პარალელურად, მისი აღმატებულება შეიხი ნაჰაიან მაბარაქ ალ ნაჰაიანი გამოყენებითი კვლევისა და ტრენინგის მაღალტექნოლოგიური ცენტრის საბჭოს თავმჯდომარე, არაბეთის გაერთიანებული საამიროების ტურიზმისა და სიძველეთა დაცვის საბჭოს პრეზიდენტი და სპეციალური საჭიროების მქონე ახალგაზრდების მომავლის ცენტრის საპატიო პრეზიდენტია.

1983-2018 წლებში მისი აღმატებულება შეიხი ნაჰაიანი არაბეთის გაერთიანებული საამიროების უნივერსიტეტის კანცლერი იყო, 1988-2013 წლებში კი იგივე პოზიცია  ტექნოლოგიების უმაღლეს კოლეჯში ეკავა, იყო ზაიედის უნივერსიტეტის კანცლერიც.

შეიხი ნაჰაიანი არაბეთის გაერთიანებულ საამიროებში ერთ-ერთი წამყვანი ბიზნესჯგუფის, Dhabi Group-ის მფლობელია. იგი სხვადასხვა სფეროში ოპერირებს, მათ შორისაა ტურიზმი, მშენებლობა, უძრავი ქონება, განვითარება და მართვა, წარმოება, საზღვაო ჭაბურღილები, საბანკო და ფინანსური სერვისები და ა.შ. Dhabi Group-მა საქართველოში პირველი ინვესტიცია 2007 წელს „კორ სტანდარტ ბანკსა“ (ამჟამად „ტერაბანკი“) და სასტუმრო „ბილტმორში“ განახორციელა.

მისი აღმატებულება შეიხი ნაჰაიანი დიდ ბრიტანეთში — ოქსფორდის უნივერსიტეტის მილფილდის სკოლასა და მაგდალენ კოლეჯში სწავლობდა. საუნივერსიტეტო ხარისხი მას მსოფლიოს სხვადასხვა უნივერსიტეტში აქვს მიღებული.
 

მისი პროფესიული კარიერა სხვადასხვა პროფილის პროექტებს აერთიანებს. მათ შორის:

ტურისტულს (სასტუმროები და კურორტები), კომერციულს (ბიზნესპარკები, სავაჭრო ცენტრები),

საცხოვრებელსა (ცათამბჯენები, მრავალსართულიანი შენობები) და სარეკრეაციოს

(საზოგადოებრივი პარკები). 

სემი ედვარდმა კაიროს უნივერსიტეტის საინჟინრო საქმის ფაკულტეტი დაამთავრა.

იყო კომპანია „ალ მარაიხ ჯენერალ ქონსტრაქშენის“ უფროსი მშენებელი ინჟინერი და

ამავე კომპანიის პროექტის მენეჯერი.

იგი „დაბი ჯგუფი ქონთრაქთინგის“ გენერალური მენეჯერის პოზიციას 1994 წლიდან,

„დაბი ჯგუფი საქართველოს“ მმართველი დირექტორის პოზიციას კი 2000 წლიდან იკავებს. 

„დაბი ჯგუფი“ არაბეთის გაერთიანებულ საემიროებში წამყვანი ბიზნეს ჯგუფია და მრავალი ბიზნესმიმართულებით ოპერირებს და მის მმიერ განხორციელებული ინვესტიცია საქართველოში

250 მილიონ დოლარს აღემატება. 

ტერაბანკის სამეთვალყურეო საბჭოს წევრობამდე მისი საქმიანობა უკავშირდებოდა საკრედიტო და

არასაკრედიტო პროდუქტების განვითარებას კორპორაციული, მცირე და საშუალო ბიზნესებისთვის,

ასევე, საბანკო და ფინანსურ ინსტიტუტებში რისკების მართვის სრულყოფას.

სეით დევდარიანი 1977-1982 წლებში ივანე ჯავახიშვილის სახელობის თბილისის სახელმწიფო

უნივერსიტეტში სწავლობდა, არის მათემატიკური მეცნიერებების მაგისტრი. 2004-2005 წლებში

მან ვაშინგტონში, ამერიკის ბანკინგის ინსტიტუტში — ბანკის ფინანსური მენეჯმენტი,

2005-2007 წლებში კიპენსილვანიის უნივერსიტეტში ბანკინგი შეისწავლა.

2007 წელს სეით დევდარიანმა ინიდიანას უნივერსიტეტის მაგისტრატურის ხარისხი

სტრატეგიული მენეჯმენტის განხრით მოიპოვა.  

ტერაბანკში საქმიანობის დაწყებამდე იგი ჰოლანდიაში, ინვესტიციების მართვის კომპანიაში, ორგანიზაციის ფუნქციონირებისა და ბიზნესსაწარმოების ტექნიკური უზრუნველყოფის გაუმჯობესების მიმართულებებზე მუშაობდა.

სხვადასხვა დროს მას წამყვანი პოზიცია აშშ-ს ფინანსური სერვისების კომპანიაში ეკავა, სადაც ბიზნესპროცესებისა და ტექნოლოგიების სტანდარტიზაციის საკითხებში გლობალური მრჩეველი იყო. 

გერლოფ დე კორტემ მაგისტრის ხარისხი ამსტერდამის უნივერსიტეტში, ორგანიზაციული განვითარების მიმართულებით დაიცვა.

ამასთან, იგი ჰარვარდისა და ედინბურგის ბიზნესსკოლების საგანმანათლებლო პროგრამების კურსდამთავრებულია. 

მანამდე, სხვადასხვა დროს, ნანა მიქაშავიძე Financial In Motion GmbH-ის ინვესტიციების მენეჯერის და თიბისი ლიზინგის გენერალური დირექტორის პოზიციებს იკავებდა. ამას გარდა, ნანა მიქაშავიძე იყო „რეა“-სა და „მიკროსაფინანსო კრედო“-ს სამეთვალყურეო საბჭოს წევრი, თიბისი ბანკის კორპორაციული ბანკინგის დირექტორის მოადგილე.

ნანა მიქაშავიძემ ევროპული მართვის სკოლა დაამთავრა. მონაწილეობდა არაერთ პროფესიულ კონფერენციაში და გავლილი აქვს სხვადასხვა ტრენინგი.