ტერაბანკის კორპორაციული სოციალური პასუხისმგებლობის ერთ-ერთი მნიშვნელოვანი მიმართულება მცირე და საშუალო ბიზნესის მხარდაჭერა, მათი საქმიანობების განვითარებისა და წარმატების ხელშეწყობაა. ეს სექტორი ჩვენთვის არა მარტო სტრატეგიული სეგმენტი, არამედ ერთ-ერთი მნიშვნელოვანი და ფასეული პარტნიორია, ამიტომ, კორპორაციული სოციალური პასუხისმგებლობის ფარგლებში, სხვადასხვა პროექტითა და ინიციატივით მცირე და საშუალო ბიზნესებს ახალ შესაძლებლობებს, მოტივაციასა და შთაგონებას მუდმივად ვაძლევთ.
სწორედ ამ მიზნებს ემსახურებოდა პროექტი „ტერაბანკი ბიზნესის მხარდასაჭერად“, რომელიც 2020 წელს განხორციელდა. მის ფარგლებში ტერაბანკმა 50 ბიზნესკლიენტი მათ საჭიროებებზე მორგებული მომსახურებების პაკეტით დაასაჩუქრა. პაკეტებს შორის იყო ლოგოსა და კორპორაციული სტილის, სოციალური მედიის არხებისა და ვებგვერდის შექმნა, შესაბამისი საქმიანობების ტურისტულ პლატფორმებზე პოპულარიზაცია, ფოტოგადაღება, ელექტრონული კომერციის გამართვა, სასწავლო ტრენინგების ჩატარება, ბიზნესების შესახებ ინფორმაციის სატელევიზიო ეთერსა და ტერაბანკის საკომუნიკაციო არხებში განთავსება და სხვა. აღსანიშნავია, რომ პროექტმა „ტერაბანკი ბიზნესის მხარდასაჭერად“ საქართველოს პასუხისმგებელი ბიზნესის კონკურსის, Meliora-ს ჯილდო ერთ-ერთ მთავარ ნომინაციაში - მცირე ბიზნესისა და დაზარალებული სექტორების მხარდაჭერა COVID-19-ის პანდემიის პერიოდში - მიიღო.
მცირე და საშუალო ბიზნესის მხარდაჭერას, ონლაინსივრცეში მათი საქმიანობების პოპულარიზაციასა და წარმოჩენას ემსახურებოდა კიდევ ერთი პროექტი „ტერას ონლაინკატალოგი 100 ქართული ბიზნესისთვის“, რომელიც 2022 წელს, სააგენტო „ვინდფორსთან“ პარტნიორობით განხორციელდა. ონლაინკატალოგი 100 ქართულ მცირე და საშუალო ბიზნესკომპანიას აერთიანებდა და ფეისბუქსა და ტერაბანკის ვებგვერდზე იყო განთავსებული. იგი ადამიანებს საშუალებას აძლევდა, დაეთვალიერებინათ წარმოდგენილი კომპანიების პროდუქტები და სერვისები, სურვილის შემთხვევაში, მარტივად დაჰკავშირებოდნენ მწარმოებელს და თავადაც შეეწყოთ ხელი ამ ბიზნესის წარმატებისთვის. პროექტი პასუხისმგებელი ბიზნესის კონკურსზე Meliora 2022 გამორჩეულ პროექტად დასახელდა.
ამ პროექტების პარალელურად, ტერაბანკი მცირე და საშუალო ბიზნესის მხარდაჭერას სხვა ინიციატივებითაც ახორციელებს. მთელი საქართველოს მასშტაბით ბიზნესკლიენტებთან რეგულარულად იმართება საინფორმაციო შეხვედრები, რომლებიც მათთვის ტერაბანკის პროდუქტებისა და მომსახურებების, სააგენტოს „აწარმოე საქართველოში“ და სოფლის განვითარების სააგენტოს პროგრამების, შეღავათიანი სესხებისა და სხვა შესაძლებლობების გაცნობას ემსახურება, ტარდება ვებინარები, რომლებიც ასევე ბიზნესკლიენტებისთვის სასარგებლო ინფორმაციისა და ცოდნის გაზიარებას ისახავს მიზნად. პარალელურად, ტერაბანკი აქტიურად ზრუნავს ბიზნესკლიენტების ცნობადობის ამაღლებასა და პოპულარიზაციაზეც: ბანკი მათ საქმიანობებს მასობრივი ინფორმაციის საშუალებებითა და ციფრული მედიის საკუთარი არხებით სისტემატურად წარმოაჩენს.
ჯანსაღი ცხოვრების წესი